Les mots surlignés font l'objet d'une note
1Monseigneur, estant ung de ces jours passés ches monsieur de Rosset,
2ledit sieur me chargea faire tenyr à votre seigneurie une lettre quil vous
3escript et laquelle je vous anvoye. Et outtre ce, parce que le
4sieur de Vignaulx sen va dyci demain matin, me commanda luy faire tenyr celles
5que votre seigneurie luy escripvoit ; se votre bon playsir estoit de
6me les addresser par ce que jespère estre icy pour
7certains procès pour quelque temps. Et se le bon plaisir de
8votre seigneurie est tel que de me les addresser, ceste
9sera pour vous faire entendre et scavoyr le nom de mon
10logis qui est chés une quon appelle La Gratelle, à lentrée
11du pont. Mon debvoir estoit bien de vous aller dire cecy de
12bouche, mais à locasion d’aulcuns afaires (pour lesquelz je
13suys icy) me pressent de cy près qui me ont
14gardé macquiter de mon debvoir et faict prendre laudace
15le faire par escript. Mais votre seigneurie ne le prendra en
16maulvaise part sil luy plaict. Mes dames la contesse
17de Grignan et de St Privat me commandarent aussi presenter
18leurs très humbles recommandations à la bonne grace de vous
19et de madame de Gordes, lesquelles vous supplient les
20excuser et leur pardonner de ce quelles sont contrainctes
21sen retourner de chés mondit seigneur de Rosset où elles
22sont encores, à leurs maisons, sans vous venyr baiser
23les mains et faire la reverance, de quoy ont bien
24grande envye. Sur ce je prie Dieu
25Monseigneur quil vous doint en toute properité et santé très longue
26vie. De Grenoble, ce XXIII aoust 1572
27Vostre très humble et très obeissant serviteur
28à perpetuité
29Clary
3031